كاری مرۆڤ چیە؟

[هاوبير كامران]

جیدۆ كریشنا مورتی
وەرگێرانی/ هاوبیر كامەران
پرسیار: كاری مرۆڤ چیە.
وەڵام (جیدو كریشنا مورتی): تۆ پێت وایە چیە؟ وانە خوێندن و تاقیكردنەوە، پەیداكردنی ئیشێك و ئەنجامدانی تا مردن ؟ رۆشتن بۆ پەرستگە و تێكەڵبوون بە گروپێ، ئەنجامدانی چاككاری جیاواز؟ ئایا كاری مرۆڤ ئەوەیە بۆ دابینكردنی خۆراكی خۆی گیانلەبەران بكوژێت؟ ئایا كاری مرۆڤ ئەوەیە بۆ رۆشتنی شمەنەفەر سكە دروست بكات؟ لە زەویە وشكەكان چاڵ لێبدات و نەوت بدۆزێتەوە، بچێتە سەر كێوەكان، زەوی و ئاسمان كۆنترۆڵ بكات ، هۆنراوە بچرێت، رەسم بكات، خۆشەویستی بكات و ڕق پەخش بكاتەوە؟ ئایا كاری مرۆڤ ئەوەیە؟ هێنانە بەرهەمی شارستاینەتێك كە پاش چەند سەدە نامێنێت، هەڵگیرساندنی شەڕ؟ كوشتن بەناوی دین و وڵاتەوە؟ قسەكردن لەبارەی ئاشتی و براییەوە و لەهەمانكاتدا بەدەستهێنانی هێز و ستەم كردن لە ئەوانی تر؟ ئەمانە كارگەلێكن كە مرۆڤ ئەنجامیان دەدات، ئایا كاری ڕاستەقینەی مرۆڤ ئەوەیە؟
دەبینیت كە هەموو ئەم كارانە بە وێرانی و هەرەج و مەرەج و بەدبەختی و نائومێدی كۆتاییان پێ دێت. سەروەتی گەورەو جوانكاری لەپاڵ هەژاریەكی لەڕادەبەدەر، و نەخۆشی و برسیەتی لەپاڵ فرۆكە گەورەكاندان. كاری مرۆڤ ئەمەیە و كاتێك پەی بەو شتانە دەبات لەخۆت دەپرسیت كە ئایا بەڕاستی كاری مرۆڤ ئەمەیە ؟ ئایا شتێكی تر بوونی نیە كە كار ڕاستەقینەی مرۆڤ بێت؟ ئەگەر تێبگەین كاری ڕاستەقینەی مرۆڤ چیە ئەو كات وێنەی فرۆكەكان و ئامێری جل شتن و پرد و ئوتێلەكان دەگۆرێت لامان و بەتەواوی مانایەكی تر پەیدا دەكەن، بەڵام ئەگەر پەی بەكاری سەرەكی مرۆڤ نەبەین ئەوا هەموو چاككاری و گۆرینی فۆرمەكانی كەتا ئێستا مرۆڤ ئەنجامی داوە مرۆڤ ناگەیەننە هیچ شوێنێك.
كاری مرۆڤ كەشفكردنی هەقیقەت و غەرق نەبوونە لە چالاكیەكانی خۆیدا. یەكەمین قۆناغی كەشفی هەقیقەتیش خۆشویستنە، خۆشویستنێك كە دنیای مرۆڤەكان بەتەواوی دەگۆرێت و دەیكاتە دونیایەكی تەواو جوان و جیاواز.

[safen11]

ده‌ستخۆش بۆ ئه‌و بابه‌ته‌ جوانه‌ هه‌ر سه‌ركه‌وتوبی كاك هاوبيری به‌ڕێز

[aramzna]

ده‌سته‌کانت خۆش

[muhammad]

ده ست خوش براي به ريزم كاك هاوبير سه ركه وتووبيت